Monday, March 1, 2010

Rajamakutam - Sadiseyko gali..

చిత్రం: రాజమకుటం (1960)
రచన: దేవులపల్లి కృష్ణశాస్త్రి
సంగీతం: మాస్టర్ వేణు
గానం: పి. లీల
****************
పల్లవి:
ఆ.. ఆ.. ఆ..
సడి సేయకో గాలి.. సడి సేయబోకే
సడి సేయకో గాలి.. సడి సేయబోకే
బడలి, ఒడిలో రాజు పవ్వళించేనే! సడిసేయకే..

చరణం 1:
రత్నపీఠికలేని రారాజు నా స్వామి
మణి కిరీటము లేని మహరాజు గాకేమి
చిలిపి పరుగుల మాని కొలిచి పోరాదే.. సడిసేయకే!

చరణం 2:
ఏటి గలగలలకే ఎగసి లేచేనే
ఆకు కదలికలకే అదరి చూసేనే
నిదుర చెదరిందంటే నేనూరుకోనే.. సడిసేయకే

చరణం 3:
పండు వెన్నెల నడిగి పాన్పు తేరాదే
నీడ మబ్బుల దాగు నిదుర తేరాదే
విరుల వీవన పూని విసిరి పోరాదే

సడి సేయకో గాలి సడి సేయబోకే
బడలి, ఒడిలో రాజు పవ్వళించేనే!
సడి సేయకో గాలి... ఆ.. ఆ.. ఊ..ఊ..

1 comment:

Raj said...

కొత్తపాళీగారికి కృతజ్ఞతలు.. మీరు చెప్పనట్లే మార్చాను.. కృతజ్ఞతలు.

మీరు కామెంట్ వ్రాసినది పబ్లిష్ చేయబోయి పొరబాటున డిలీట్ చేసాను. అన్యదా భావించకండి.

Related Posts with Thumbnails